luchecon (luchecon) wrote,
luchecon
luchecon

У чым капіць беларусу?

Интервью в "Звязде":

"Вага", якую сёлета набыў еўра, скарэктавала, мабыць, адносiны многiх нашых грамадзян да гэтай валюты. Амерыканскi долар, да якога прызвычаiлiся больш i якi пакуль пераважае ў накапленнях насельнiцтва, наадварот, — расчараваў. 

— Каму выгадна знiжэнне курса долара да еўра? — разважае ў гутарцы з карэспандэнтам нашай газеты кiраўнiк Цэнтра макраэканамiчных даследаванняў Iнстытута эканомiкi Нацыянальнай акадэмii навук Беларусi Аляксандр Лучанок. — У першую чаргу, — для амерыканскай эканомiкi, таму што тады яна становiцца больш канкурэнтаздольнай. Аднак амерыканцы рызыкуюць: у свеце можа з’явiцца iншая рэзервовая валюта — еўра. У многiх краiнах свету ўжо задумваюцца над тым, каб частку рэзерваў перавесцi ў еўра. У сваю чаргу, вымыванне з рэзерваў долараў прывядзе да таго, што сфера абарачэння гэтай валюты звузiцца, а значыць, амерыканская эканомiка будзе крэдытавацца менш. Тое ж, што еўрапейскi Цэнтрабанк адназначна хоча зрабiць еўра рэзервовай валютай, — зразумела.
— I чаго ў такiм разе трэба чакаць?
— Большасць экспертаў прагназуюць, што ў перспектыве еўра будзе расцi i надалей. Аднак тут неабходна ўлiчваць пэўныя фактары, якiя могуць адбiцца на сiтуацыi з доларам i еўра. Першы фактар, напрыклад, той, што ЗША i далей будуць праводзiць палiтыку аслаблення долара для павышэння сваёй канкурэнтаздольнасцi. У гэтым выпадку на самай справе курс еўра будзе далей расцi. Цалкам верагодна, што нейкiя краiны, у якiх валютныя запасы былi ў доларах, пакрысе iх скiдваюць i пераводзяць у еўра, гэта значыць, долары выносяцца на рынак i павялiчваецца попыт на еўра — тады курс апошняга таксама будзе павышацца. Трэцi фактар, аднак ён дзейнiчае ў адваротным напрамку, — у Еўрасаюз прынята шмат адносна слабых эканамiчна краiн, якiя ў гэтым сэнсе прайграюць асобным штатам Амерыкi. I гэтыя краiны даводзiцца моцна падтрымлiваць, гэта значыць, рэальных эканамiчных прадпасылак для доўгачасовага шматгадовага росту курса еўра адносна долара асаблiва i нябачна. Тут, хутчэй за ўсё, iдзе сярэднетэрмiновая тэндэнцыя, якая вынiкае з iмкнення еўрапейскiх грашовых органаў зрабiць еўра рэзервовай валютай, i тэндэнцыi амерыканцаў аслабiць долар для павышэння сваёй канкурэнтаздольнасцi. Кiтай, напрыклад, спецыяльна панiзiў курс юаня, каб iх прадукцыя стала канкурэнтаздольнай у свеце. Калi Еўропа будзе працягваць палiтыку павышэння курса еўра, то эканамiчныя перспектывы ў яе не вельмi добрыя. Таму, я думаю, што ў рэшце рэшт сiтуацыя не такая ўжо i адназначная, i, на мой погляд, еўра ўжо некалькi пераацэнены.
— Як у гэтай сiтуацыi зарыентавацца людзям, якiя не ведаюць, чаму аддаць перавагу — трымаць зберажэннi ў доларах, еўра, беларускiх, цi расiйскiх рублях? Што б вы iм параiлi?
— Мне падаецца, што зараз усё ж такi лепш трымаць грошы ў беларускiх рублях на дэпазiтах, таму што Нацыянальны банк пакуль не панiзiў стаўку рэфiнансавання. Калi ж вы хочаце трымаць грошы ў валюце, то можна разбiць iх на тры "кошыкi": у адзiн пакласцi долары, у другi — еўра, у трэцi — расiйскiя рублi. Мяркую, што ў блiжэйшыя гады Расiя будзе развiвацца цалкам паспяхова, i яе валюта дастаткова падмацавана.
— Магчыма, выбiраючы памiж доларам i еўра, трэба ўсё ж такi аддаць перавагу апошняму, курс якога сёлета iмклiва рос i прынёс неблагiя даходы трымальнiкам гэтай валюты?
— Усё залежыць ад сусветных падзей. Чаму так скокнуў курс еўра ў гэтым годзе? Таму што ў ЗША здарыўся iпатэчны крызiс. Аналагiчная сiтуацыя можа назiрацца пры сур’ёзным эканамiчным i палiтычным крызiсе за мяжой. Аднак у мяне няма нiякай упэўненасцi, што наступны крызiс здарыцца менавiта ў ЗША, а не ў Еўропе. I таму чакаць, што будзе стопрацэнтны выйгрыш зноў па еўра, — я так не думаю. У сэнсе даходнасцi беларускiя рублi больш выгадныя. Iншая справа, калi будзе прынята рашэнне аб тым, каб адпусцiць курс долара ў адносiнах да беларускага рубля. Аднак я думаю, што ў блiжэйшы час курсавая палiтыка ў адносiнах рубель-долар будзе захоўвацца".

Tags: валюта
Subscribe

promo luchecon april 1, 2014 14:26 2
Buy for 10 tokens
"Если первым не писать людям и не навязываться, то можно обнаружить, что, в принципе, никому ты и не нужен". Афоризм для промоутеров.
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 4 comments